Олон улсын эмэгтэйчүүдийн эрхийг хамгаалах өдөрт зориулан 2022-03-08 ний өдөр  “Баярын мэнд ээж ээ” концерт тоглолоо. Тоглолтод Соёлын төвийн хамт олон болон ЕББДСургуулийн Дуу хөгжмийн багш Янжиндулам, Соёлын төвийн дэргэдэх бүжгийн дугуйлангийн сурагчид, Ардын авьяастнууд, МУСТА Тунгалагтамир нар оролцлоо. Энэ үйл ажиллагааны үеэр сумын 70-аас дээш насны 31 ээжид хүндэтгэл үзүүлж гарын бэлэг гардууллаа. Энэ үйл ажлыг Хайрхан 2-р дугаар багийн малчин Ноовын Хүрэлтогоо гэргий Халтарын Оюунцэцэг нарын хамтаар 1сая 300мянган төгрөгөөр ивээн тэтгэлээ. Мөн 80-аас дээш насны 5 ээжид Өндөрширээт сумын Пунцогдэчиндаржайлан хийдийн Хамба лам Р.Пүрэвдорж 300мянган төгрөгний гарын бэлэг гардуулж баярлууллаа.